UIDAI ने आधार वापरकर्त्यांना दिला मोठा दिलासा ; आता या तारखेपर्यंत करू शकता आधार मोफत अपडेट.

_ वर्षाचा शेवटचा महिना चालू आहे आणि डिसेंबर 2023 ही अनेक महत्त्वाची कामे पूर्ण करण्याची अंतिम मुदत आहे.

यामध्ये बँक लॉकर करारापासून अपडेट केलेले ITR सबमिट करण्यापर्यंतच्या कार्यांचा समावेश आहे,  जे 31 डिसेंबरपर्यंत पूर्ण केले जाऊ शकतात.

पण आम्ही तुम्हाला आणखी एका महत्त्वाच्या कामाबद्दल सांगत आहोत,  ज्याची मुदत काल संपणार होती.

होय, मोफत आधार अपडेट करण्याची सुविधा काल म्हणजेच १४ डिसेंबर रोजी संपनार होती,

परंतु UIDAI ने आधार वापरकर्त्यांना दिलासा देत ती तीन महिन्यांसाठी वाढवली आहे.

आधार कार्डधारकांना मोठा दिलासा मिळाला असून,  भारतीय विशिष्ट ओळख प्राधिकरणाने आधार कार्ड मोफत अपडेट करण्याची मुदत पुन्हा एकदा वाढवली आहे.  आता हे काम पुढील वर्षी 14 मार्च 2024 पर्यंत मोफत करता येणार आहे. UIDAI ने मोफत आधार अपडेटसाठी 14 डिसेंबर 2023 ही शेवटची तारीख ठरवली होती,  जी गुरुवारी संपणार होती, पण अखेरच्या क्षणी प्राधिकरणाने मोठा निर्णय घेतला आहे.

उल्लेखनीय आहे की सरकारने सर्व आधार कार्ड वापरकर्त्यांना सांगितले आहे की त्यांनी त्यांचे 10 वर्ष जुने आधार कार्ड अपडेट करावे.

मात्र, ते अत्यावश्यक कामांच्या श्रेणीत ठेवण्यात आलेले नाही.  UIDAI ने असेही म्हटले आहे की तुम्ही Myaadhaar पोर्टलला भेट देऊन तुमची माहिती अपडेट करू शकता.

यासाठी तुम्हाला माहितीशी संबंधित कागदपत्रे अपलोड करावी लागतील.